பொங்கல் பண்டிகை-களைகட்டும் விற்பனை

Advertisements

களைகட்டும் விற்பனை, கொட்டும் பண மழை; தெறிக்கவிடும் பொங்கல் பண்டிகை!உழவுக்கு பெருமை சேர்க்கும் வகையில் ஆண்டுதோறும் பொங்கல் பண்டிகையை தமிழர்கள் கொண்டாடி வருகின்றனர். புத்தாடை அணிந்து புதுப்பானையில் புத்தரிசி இட்டு பொங்கல் வைத்து மகிழ்வர். இதையடுத்து உழவிற்கு பேருதவியாக இருந்த சூரியனுக்கும், பிற உயிர்களுக்கும் நன்றி தெரிவிக்கப்படுகிறது.

மாடுகளை குளிப்பாட்டி உணவு கொடுத்து உற்சாகமாக கொண்டாடப்படும். இந்நிலையில் பொங்கலுக்கு தேவையான பொருட்களின் விற்பனை படுஜோராக நடைபெற்று கொண்டிருக்கிறது.

விழுப்புரம் மாவட்டம் செஞ்சியில் சிறப்பு வார சந்தையில் ஒரு கோடி ரூபாய்க்கு விற்பனை நடந்துள்ளதாக கூறப்பட்டுள்ளது. வாரந்தோறும் வெள்ளிக்கிழமை மட்டுமே சந்தை நடைபெறும். ஆனால் பொங்கலை பண்டிகையை ஒட்டி செவ்வாய் கிழமையே சந்தை தொடங்கியது.

இதில் ஒரு ஜோடி ஆடு ரூ.6,000 முதல் ரூ.25,000 வரை விற்கப்பட்டதாக கூறப்படுகிறது. மொத்தம் ரூ.1 கோடிக்கு விற்பனை நடந்துள்ளதாக தகவல் வெளியாகியுள்ளது. மேலும் மாடுகளுக்கு தேவையான கயிறு, மணி ஆகியவற்றின் விற்பனை சூடுபிடித்துள்ளது.

ஈரோடு மாவட்டம் அந்தியூர் அருகே அத்தாணி கிராமத்தில் கோழி சந்தை நடைபெற்றது. இதில் ரூ.3 லட்சத்திற்கு நாட்டுக்கோழிகள் மற்றும் சண்டை சேவல்கள் விற்பனை ஆகியுள்ளன.

இதேபோல் சத்தியமங்கலம் தினசரி சந்தையில் பூளை மற்றும் ஆவாரம் பூக்களை அதிகளவில் விற்பனை ஆனது. சங்கராந்தி பூஜைக்கு தேவையான பூசணிக்காய், கரும்பு ஆகியவையும் பெருமளவில் விற்கப்பட்டன.

தஞ்சாவூர் காமராஜர் மார்க்கெட் மற்றும் கீழவாசல் சரபோஜி மார்க்கெட்டில் கரும்பு, இஞ்சி, மஞ்சள் கட்டுகள், காய்கறிகள் மற்றும் பூக்களின் விற்பனை அதிகரித்து காணப்பட்டன. ஒரு கட்டு கரும்பு ரூ.250க்கும், இஞ்சி மற்றும் மஞ்சள் கட்டு ரூ.50க்கும் விற்பனை செய்யப்பட்டு வருகிறது.

You may also like...