உலக நாடுகளுக்கு ஆக்சிஜன் பற்றாக்குறை

Advertisements

டெட்ரோஸ் அதானோம் கெப்ரேயஸ்டெட்ரோஸ் அதானோம் கெப்ரேயஸ்உலகம் முழுக்க கொரோனா பாதித்தவர்களின் எண்ணிக்கை விரைவில் ஒரு கோடியை நெருங்கவிருக்கும் நிலையில், நோயாளிகளுக்கு தேவையான ஆக்சிஜன் இருப்பில் தட்டுப்பாடு ஏற்பட்டுள்ளதாக உலக சுகாதார மையத் தலைவர் தெரிவித்துள்ளார்.

கொரோனாவால் உலகம் முழுக்க சுமார் 93 லட்சம் பேர் பாதிக்கப்பட்டுள்ளனர். 480,000க்கும் மேற்பட்டோர் இதுவரை உயிரிழந்துள்ளனர். தற்போது ஒரு வாரத்திற்கு 10 லட்சம் பேர் என்ற விகிதத்தில் கொரோனா வைரஸ் அதிவேகமாக பரவிவருகிறது.

இதனால் ஒவ்வொரு நாளும் 88,000 பெரிய ஆக்சிஜன் சிலிண்டர்கள் அல்லது 620,000 கன மீட்டர் ஆக்சிஜன் பயன்படுத்தப்படுவதாக உலக சுகாதார மையத்தின் இயக்குநர் தெரிவித்துள்ளார்.

இதுகுறித்து அவர் செய்தியாளர்களிடம் பேசுகையில், “ஆக்சிஜன் கான்சென்ட்ரேட்டர்களை பெறுவதில் பல நாடுகள் சிரமத்தை சந்தித்து வருகின்றன. தற்போது ஆக்சிஜன் சிலிண்டர் தேவையை காட்டிலும் விநியோகம் குறைவாகவே இருக்கிறது.

உலக சுகாதார மைய 14,000 ஆக்சிஜன் கான்சென்ட்ரேட்டர்களை கொள்முதல் செய்துள்ளது. அவற்றை அடுத்த சில வாரங்களில் 120 நாடுகளுக்கு அனுப்பிவைக்க திட்டமிட்டுள்ளது. அடுத்த ஆறு மாதங்களில் கூடுதலாக 10 கோடி டாலர் மதிப்பிலான 170,000 ஆக்சிஜன் கான்சென்ட்ரேட்டர்களை வாங்க திட்டமிடப்பட்டுள்ளது” என்று தெரிவித்தார்.

You may also like...