இந்திய இணையதளங்களை சீனா முடக்கியுள்ளது.

Advertisements

சீன அதிபர் ஷி ஜின்பிங்சீன அதிபர் ஷி ஜின்பிங்இந்தியாவுக்கும், சீனாவுக்கும் இடையே எல்லைப் பிரச்சினை நிலவிவந்த நிலையில் ஜூன் 15ஆம் தேதியன்று நடைபெற்ற மோதலில் 20 இந்திய வீரர்கள் உயிரிழந்தனர். இதைத்தொடர்ந்து இரு நாடுகளுக்கும் இடையே கசப்புத்தன்மை அதிகரித்துள்ளது. பிரச்சினையை தீர்க்க இரு நாடுகளும் பேச்சுவார்த்தை நடத்தி வருகின்றன.

இந்நிலையில், டிக் டாக், ஹெலோ, யூசி பிரவுசர் உள்ளிட்ட 59 சீன ஆப்களுக்கு நேற்று மத்திய அரசு தடை விதித்தது. பொதுமக்கள், நாட்டின் பாதுகாப்பு கருதியும் இந்தியாவின் இறையாண்மையை மற்றும் ஒருமைப்பாட்டுக்கு அச்சுறுத்தலாக இருப்பதால் 59 ஆப்களுக்கு தடை விதிப்பதாக மத்திய அரசு தெரிவித்துள்ளது.

இந்நிலையில், இந்திய தொலைக்காட்சிகள், ஊடகங்கள், இணையதளங்களை சீன அரசு முடக்கியுள்ளது. சீனாவில் வெளிநாட்டு இணையதளங்களை பயன்படுத்தவோ, பார்க்கவோ தடை இருந்தாலும், விபிஎன் பயன்படுத்தி இத்தனை நாட்களாக பயன்படுத்த முடிந்தது. இந்நிலையில், தற்போது கம்ப்யூட்டர், லேப்டாப் மற்றும் ஐபோன்களில் விபிஎன் பயன்படுத்தியும் இந்திய இணையதளங்களை பயன்படுத்த முடியவில்லை என தகவல்கள் வந்துள்ளன.

இண்டர்நெட் கட்டுப்பாடுகளையும் தகர்த்து சேவைகளை பயன்படுத்த விபிஎன்கள் பயன்படுத்தப்படுகின்றன. ஆனால், விபிஎன்களையும் முடக்கும் வகையில் சீனா நவீன தொழில்நுட்பங்களை உருவாக்கியுள்ளது. டிஜிட்டல் கட்டுப்பாடுகளில் சீன அரசு கைதேர்ந்தது.

எடுத்துக்காட்டாக, சீனாவுக்கு எதிரான செய்திகள், சீனாவுக்கு பிடிக்காத செய்திகள் தொலைக்காட்சியில் வரும்போது அது வெறும் திரையாக மாறிவிடும். சம்பந்தப்பட்ட செய்தி முடிவடைந்தபிறகே திரையில் மற்ற செய்திகள் ஒளிபரப்பாகும்.

தற்போது, சீன ஆப்களுக்கு இந்தியா தடை விதித்துள்ள நிலையில், இந்திய தளங்களை சீனா முடக்கியுள்ளது. ஒருபுறம் பிரச்சினையை தீர்க்க இருதரப்பு அதிகாரிகளும் பேச்சுவார்த்தை நடத்தி வரும் நிலையில், மறுபுறம் இப்படி தடைகள், கட்டுப்பாடுகள், முடக்கம் என கசப்புத்தன்மை வலுப்பெற்று வருகிறது.

You may also like...