ராமர் கோயில் துவக்கவிழாவில் பயங்கரவாதிகள் தாக்குதல் நடத்ததிட்டம்

Advertisements

கோப்புப்படம்

கோப்புப்படம்
  ஜம்மு- காஷ்மீர் மாநிலத்துக்கு சிறப்பு அந்தஸ்து வழங்கி வந்த 370ஆவது பிரிவை நீக்கி, இரு யூனியன் பிரதேசங்களாக அந்த மாநிலத்தை கடந்த ஆண்டு ஆகஸ்ட் மாதம் 5ஆம் தேதி மத்திய அரசு பிரித்தது. இதற்கு எதிர்ப்பும், ஆதரவும் கலந்த விமர்சனங்கள் வந்து கொண்டிருக்கின்றன.

இந்த நிலையில், உச்ச நீதிமன்ற தீர்ப்பின் அடிப்படையில், உத்தரப்பிரதேச மாநிலம் அயோத்தியில் ராமர் கோயில் கட்டுவதற்கான ஆயத்தப் பணிகள் நடைபெற்று வருகின்றன. ஜம்மு-காஷ்மீர் பிரிக்கப்பட்ட அதே ஆக்ஸ்ட் 5ஆம் தேதி இதற்கான அடிக்கல் நாட்டு விழா நடைபெற உள்ளது. இந்த விழாவில் பிரதமர் மோடி, பாஜக முத்த தலைவர் அத்வானி உள்ளிட்ட பல்வேறு முக்கிய தலைவர்கள் கலந்து கொள்ளவுள்ளனர். நாடு முழுக்க தளர்வுகளுடன் கூடிய ஊரடங்கு அமல்படுத்தப்பட்டுள்ளதால் குறைந்த அளவிலேயே சுமார் 300 பேர் மட்டும் அழைக்கப்பட்டு அடிக்கல் நாட்டு விழா திட்டமிடப்பட்டுள்ளது.

அதேசமயம், ஆகஸ்ட் 15ஆம் தேதி சுதந்திர தினத்தை முன்னிட்டு பிரதமர் மோடி டெல்லியில் உள்ள செங்கோட்டையில் கொடியேற்றி வைத்து உரையாற்றவுள்ளார். கொரோனா தடுப்பு நடவடிக்கையாக முன்னெச்சரிக்கைகளுடன் சுதந்திர தின விழா கொண்டாட மத்திய அரசு அனுமதி அளித்துள்ளது.

இந்த நிலையில், ஜம்மு-காஷ்மீர் பிரிக்கப்பட்ட அதே தினத்தில் நடைபெறும் ராமர் கோயில் அடிக்கல் நாட்டு விழாவுக்கு எதிர்ப்பு தெரிவித்தும், சுதந்திர தின விழாவை குறி வைத்தும்

பயங்கரவாதிகள்  தாக்குதல் நடத்த உள்ளதாக உளவுதுறை எச்சரிக்கை விடுத்துள்ளது. ஜம்மு காஷ்மீர் – நேபாளம் வழியே ஊடுருவி பயிற்சி பெற்ற பயங்கரவாதிகள் தாக்குதல் நடத்த திட்டமிட்டுள்ளதாக உளவுத்துறை விடுத்துள்ள எச்சரிக்கையில் குறிப்பிடப்பட்டுள்ளது. இதனால், டெல்லி, ஜம்மு-காஷ்மீர், உத்தரப்பிரதேசம், பீகார் ஆகிய மாநிலங்களில் பாதுகாப்பு பலப்படுத்தப்பட்டுள்ளது.

You may also like...